Einfaldar pítur með Falafel bollum
Prófaðu að breyta út af vana og settu bragðgóðar falafel bollur í pítubrauðið í staðinn fyrir kjúkling og hakk svo eitthvað sé nefnt.
Hráefni
- 1 pakki falafel bollur (um 300 g)
- 1 rauðlaukur, skorinn fínt
- 1 paprika
- 2-3 tómatar
- 1 kálhaus
- 1 gúrka
- 1-2 poki/pokar pítubrauð (fer eftir hversu margir eru að borða)
- rifinn ostur
- Pítusósa
Aðferð
- Byrjið á að hita ofninn 180 gráður, setjið falafel bollurnar í eldfast mót og hitið í um 20 mínútur.
- Saxið niður grænmetið.
- Hitið pítubrauðin í ofni eða ristið í ristavél ( mjög gott að rista þau).
- Setjið til skiptis í pítubrauð falafel bollur, grænmeti, sósu og rifinn ost.
* Gott finnst mér að skera falafel bollurnar í tvennt til að koma þeim betur ofan í pítubrauðið.
Njótið !