Rjómalagað tagliatelle með sveppum og pepperóní sem þú átt alveg örugglega eftir að elska! Æðislegur pastaréttur sem er einfaldur og fljótlegur en síðast en ekki síst ódýr.
Hráefni
- 250 g Tagliatelle frá Barilla
- 1 laukur
- 250 g sveppir
- 70 g létt pepperóní
- 3 hvítlauksrif
- 250 ml rjómi
- ½ kryddostur með pipar (75 g)
- Salt
- 1 tsk sojasósa
- 1 dl rauðvín
- Parmesan ostur
- Fersk basilika
Aðferð
- Sjóðið pastað samkvæmt leiðbeiningum á umbúðum
- Skerið laukinn niður og steikið á pönnu upp úr olíu.
- Skerið sveppina niður og bætið á pönnuna, steikið.
- Skerið pepperóníið niður og bætið á pönnuna, steikið.
- Rífið hvítlauksrifin með rifjárni og bætið á pönnuna, steikið varlega.
- Bætið rjómanum út á pönnuna og náið upp suðu.
- Rífið kryddostinn niður og bætið út á pönnuna, leyfið honum að bráðna saman við, hrærið í sósunni.
- Kryddið til með örlitlu salti, bætið svolítið af sojasósu út á og 1 dl af rauðvíni, blandið saman.
- Takið 2 dl af pastavatninu og setjið út í sósuna, sjóðið saman.
- Setjið pastað út í sósuna og berið fram með parmesan osti og ferskri basilíku.
Njótið,
Linda Ben