Þetta salat hefur verið í uppáhaldi í svo ótal mörg ár, en einhverra hluta vegna hefur það aldrei náð hingað inn. Eflaust kannast nú flestir við þessa uppskrift og hafa gert í mörg ár, en ef þið hafið hinsvegar aldrei bragðað á þessari dásemd þá er löngu kominn tími til. Þetta slær alltaf í gegn hjá öllum!
Hráefni
- 4 kjúklingabringur, t.d. frá Rose poultry
- 2 dl sweet chilisósasósa
- 120 ml ólífuolía
- 60 ml balsamik edik
- 2 msk sykur
- 2 msk. soyjasósa, t.d. frá Blue dragon
- möndlukurl
- 1 pakki instant núðlur
- 1 pakki möndluflögur
- 2 msk sesamfræ
Salatið
- 1 poki salat, t.d. veislusalat eða klettasalat
- 10-15 stk kirsuberjatómatar, skornir í tvennt
- 1 mangó, skorið í teninga
- 1/2- 1 rauðlaukur, skorinn í sneiðar
Aðferð
- Skerið kjúklinginn í litla bita eða strimla. Setjið olíu á pönnu og steikið kjúklinginn. Hellið vökva sem kemur frá kjúklinginum ef einhver er.
- Þegar kjúklingurinn er næstum tilbúinn bætið þá sweet chilí sósu saman við og látið malla í 3-5 mínútur.
- Gerið þá sósuna með því að sjóða öll hráefnin saman í um 1-2 mínútur. Kælið og hrærið stanslaust í sósunni meðan hún kólnar.
- Myljið núðlurnar og ristið á pönnu. Bætið möndluflögum og sesamfræjum og ristið saman í 1 mínútu.
- Setjið salatið í skál ásamt mangó, tómötum rauðlauk. Hellið sósunni saman við og smá af núðlublöndunni og blandið vel saman.
- Setjið kjúklingabitana yfir salatið og stráið afganginum af möndlukurlinu yfir allt.
Njótið,
Berglind