Beikon vafðar döðlur eru einfaldar í framkvæmd og hitta alltaf í mark í veislum, ég ber þetta gjarnan fram í afmælum og alltaf talar fólk um hversu góður biti þetta er.
Innihald
40 stk döðlur
20 stk beikon sneiðar
Aðferð
1. Hitið ofninn við 180 gráður.
2. Skerið hverja beikon sneið í tvennt eða þrennt, fer aðeins eftir stærð.
3. Ef þið notið döðlur með steini í miðjunni, byrjið þá á að hreinsa steininn snyrtilega úr.
4.Rúllið döðlunni inn í beikon sneið og stingið tannstögli í gegn til þess að þetta haldist saman.
5. Raðið í ofnskúffu eða eldfast form og bakið í ofni í um 15-20 mínútur eða þar til beikonið er orðið stökkt.