Þessar Ritzkex-kjötbollur eru einfaldar í framkvæmd, bragðgóðar og slá alltaf í gegn bæði hjá börnum og fullorðnum og henta vel hvor sem er sem partýmatur eða kvöldverður með salati og hrísgrjónum.
Best er að bera þær fram með súrsætri sósu. Þessi uppskrift dugar í um 40 stykki af litlum kjötbollum.
Innihald
- 500 g nautahakk
- 150 g Ritzkex (mulið)
- 1 egg
- Salt og pipar eftir smekk – má einnig nota Cajun kryddblöndu
Aðferð
- Hakkið niður Ritzkexið mjög fínt (nánast eins og krydd).
- Bætið nautahakkinu saman við ásamt einu eggi og kryddið með salti og pipar og hnoðið allt vel saman.
- Útbúið litlar bollur og steikið á pönnu til að loka kjötbollunum aðeins og setjið þær svo í eldfast form og inn í ofn í um 20 mín. við 200 gráðu hita.
Berið kjötbollurnar fram með súrsætri sósu.