Þessi eðla slær alltaf í gegn, tilvalin í veisluna! Matarmikil og einstaklega auðveld í framkvæmd.
Fyrir 4-6 manns
1. Byrjið á að skera niður kjúklingalundirnar í minni bita.
2. Steikið kjúklinginn á pönnu upp úr olíu, salti og pipar.
3. Hitið saman í potti salsa sósu og osta sósu í potti við vægan hita.
4. Raðið í eldfast form, fyrst rjómaosti í botninn, næst er kjúklingurinn settur í og sósunum hellt yfir kjúklinginn, dreifið kotasælunni yfir jafnt og þétt og það sama á við um gulu baunirnar.
5. Takið um 15-20 snakkflögur og brjótið yfir blönduna, að lokum er rifnum osti stráð yfir og eðlan sett í ofninn við um 180 gráður í 25 mínútur.