Ég elska að henda í auðveldar en svo ótrúlega góðar eggjanúðlur þegar maður nennir ekki að standa í að elda. Þegar ég sýni frá þessum núðlum á snapchat loga allar línur og fólk heimtar uppskrift!
Ég geri þetta alla vega en grunnurinn er nú oftast sá sami. Þetta er voða mikið bara það sem er til í ísskápnum hverju sinni.
Hráefni
- Núðlur
- Egg
- Grænmeti eftir smekk, t.d. gulrætur, púrrulaukur, brokkolí, paprika, má líka nota skinku eða t.d. afgangs kjúkling
- Hvítlaukur
- Chilli
- Sojasósa, hoisinsósa, ostrusósa eða fiskisósa - eða sitt lítið af hverju
Aðferð
- Núðlurnar eru soðnar í potti og hvítlaukur og chilli steikt á pönnu.
- Grænmetið skorið, það er flott að hafa það skorið í mjóa strimla
- Grænmeti og eggjunum bætt við á pönnuna og allt vel steikt saman.
- Þegar núðlurnar eru tilbúnar eru þeim skellt á pönnuna með. Við steikjum oft skinku eða afgangs kjúkling með ef það er til, en alls ekki nauðsynlegt.
- Gott er að setja sojasósu, hoisin, ostru eða fiskisósu út á meðan allt er að steikjast.
- Hver og einn verður svolítið að finna hvað þeim finnst best.
- Ég nota síðan Hoisin sósuna yfir allt eftir að ég set þær á diskinn minn enda gæti ég drukkið hana !!