Fyrir hvítlauksfíkla er þetta dúndurgóð sósa til að bera fram með hvers konar grilluðu kjöti og sérstaklega kjúklingi. Þegar hvítlaukur er meðhöndlaður á þennan hátt umbreytist hann algerlega. Hitinn í honum dempast og í staðinn kemur fram hin dásamlega og milda hvítlaukssæta. Þyki sósan of megn er auðvelt að bjarga því með því að auka magn majóness eða sýrðs rjóma.
Hráefni
- 1 hvítlaukur
- smávegis jómfrúarolía
- 50-75 ml majónes
- 75-100 ml sýrður rjómi
- salt og pipa
Aðferð
- Nuddið smávegis af jómfrúarolíu utan á hvítlaukinn.
- Pakkið heilum lauknum inn í álpappír og setjið inn í180°C heitan ofn í 45-60 mínútur.
- Leyfið hvítlauknum að kólna lítillega áður en þið reynið að kreista hann í skál.
- Blandið saman við majónes og sýrðan rjóma. Saltið og piprið eftir smekk.
- Berið fram með uppáhalds grillréttunum ykkar.