Þessi sósa er ekki bara fljótleg, heldur er hún stórkostlega góð. Hún passar mjög vel með ýmsum grillmat – kjúklingi, nautasteik eða jafnvel andabringu!
Hráefni
- 3 msk majónes
- 3 kúfaðar msk sýrður rjómi
- 1 ½ msk gróft sinnep
- 1 msk hlynsíróp
- safi úr hálfri sítrónu
- salt og pipar
Aðferð
- Setjið majónes í skál og hrærið sýrða rjómann saman við.
- Blandið sinnepinu saman við (það má vel auka magnið).
- Smakkið síðan til með hlynsírópi, sítrónusafa, salti og pipar
Geymist í ísskáp í nokkra daga.