Frísklegt og sumarlegt salat sem sómir sér vel með grilluðum mat. Mér finnst granatepli skemmtilegt hráefni til að nota í salöt. Þau geta verið bæði hvöss og hressandi á bragðið og ef þau fá að þroskast aðeins þróa þau með sér ljómandi sætubragð.
Hráefni
- 150 g blönduð græn lauf
- ½ vatnsmelóna
- ½ rauður laukur
- 75 g valhnetukjarnar
- 1 granatepli
- 50 g fetaostur
- jómfrúarolía
- safi úr ½ sítrónu
- mynta til skreytingar
Aðferð
- Skolið salatblöðin í salatvindu og setjið á flatan disk.
- Sneiðið vatnsmelónuna, skerið kjarnann frá, skerið í hæfilega bita og dreifið yfir salatið ásamt smátt skornumrauðlauk.
- Rennið hnífnum einu sinni eða tvisvar í gegnum valhneturnar og dreifið þeim ofan á laufin.
- Opnið granateplið og dreifið fræjunum yfir salatið. Myljið svo fetaostinn yfir.
- Skvettið ögn af jómfrúarolíu yfir ásamt safa úr hálfrisítrónu.
- Skreytið að lokum með rifinni ferskri myntu.
Fallegt og gott.
Kveðja, Ragnar Freyr