Þetta er eins sígilt og hægt er að hafa það – þetta meðlæti hef ég notað mikið, hvort sem er úr ofni eða grilli, hér er það grillað auðvitað.
Hráefni
- 6-8 kartöflur
- 4 gulrætur
- 1 sæt kartafla
- 2 nípur
- 1 hvítlaukur
- hvítlauksolía
- ½ sítróna
- ferskt rósmarín
- ferskt timían
Aðferð
- Flysjið kartöflur, gulrætur, sætar kartöflur og nípur og setjið í skál.
- Skerið hvítlauk í tvennt og leggið með rótargrænmetinu.
- Rífið kryddjurtirnar niður og leggið með grænmetinu.
- Veltið grænmetinu upp úr hvítlauksolíu þannig að það hjúpist vel.
- Saltið og piprið.
- Bakið í ofnskúffu við óbeinan hita í um klukkustund
Klassík!