Einu sinni fannst mér jalapeñopipar alltof sterkur en nú finnst mér hann algert sælgæti. Það er skemmtilegt hvernig bragðlaukarnir þroskast og breytast með árunum. Með því að nota rjómaost með hamborgaranum mildast áhrif piparsins þannig að þeir sem óttast hitann geta alltaf minnkað magn jalapeñosins eða aukið magn rjómaostsins.
Hráefni
- 500 g nautahakk
- 100 g jalapeño
- 4 msk rjómaostur
- 4 hamborgarabrauð
- salt og pipar
- 2-3 msk jómfrúarolía
- handfylli nachos
- salatblöð
- tómatsneiðar
- salsasósa
- majónes
Aðferð
- Formið hvern borgara fyrir sig með ríflega af hökkuðum jalapeñopipar og svo matskeið af rjómaosti. Lokið hamborgaranum með meira hakki.
- Penslið með jómfrúarolíu, saltið og piprið og grillið á heitu grilli í tvær til þrjár mínútur á hvorri hlið.
- Hitið brauðin í nokkrar sekúndur ágrillinu. Smyrjið þau svo með majónesi, setjið salsasósu á botnbrauðið.
- Leggið salatblað og nachos þar yfir og tyllið hamborgaranum ofan á.
- Að lokum koma svo nokkrar tómatsneiða
Namm!
Kveðja, Ragnar Freyr