Tandooriréttir draga nafn sitt af hinum annálaða tandoorofni. Hann er í laginu eins og rör, kyntur með kol-um eða eldivið og hitastigið í honum getur orðið geysilega hátt – 500°C. Ég notaði kolagrillið mitt og útbjó blöndu af kolum og þurrum eldivið til að ná eins miklum hita og unnt var. Með því móti hef ég líklega slagað hátt í 450°C hita ... sem sagt, um að gera að ná hitanum upp.
Hráefni
- 1,5 - 2 kg kjúklingabringur (eða úr-beinuð læri)
- 3 msk tandoori masala eða tikka masala
- 1 msk garam masala
- ½-1 tsk cayennepipar eða chilli
- 2 tsk salt
- 1 tsk pipar
- 100 ml hrein jógúrt
- 2 msk jómfrúarolía
Aðferð
- Skerið kjúklingabringurnar langsum (hver bringa ætti vandræðalaust að fara í þrjár til fjórar ræmur).
- Hellið olíu, jógúrt, tandoori- og garam kryddblöndum, cayennepipar, salti og pipar yfir og blandið vandlega saman þannig að allur kjúklingur sé hjúpaður.
- Látið marínerast í sex klukkustundir eða yfir nótt (sem er auðvitað best).
- Séu tréspjót notuð þarf að leggja þau í bleyti klukkustund fyrr, þannig að þau brenni síður yfir heitum logunum. Þræðið kjúklinginn upp á spjótin og grillið síðan yfirblússheitum logunum þar til fuglinn er eldaður í gegn
Njótið!
Kveðja, Ragnar Freyr