Njótið nautakjötsins með þessari ljúffengu sósu.
Hráefni
- ½ líter nautasoð (vatn og kraftur)
- 3 msk. smjör
- 4-6 msk. piparkorn (í vökva)
- 2 msk. Brandí (má sleppa)
- 1 msk. hunang
- 1 dl. rjómi
- sósujafnari eða kornsterkja
Aðferð
- Hitið smjörið í víðum potti, bætið piparkornunum út í og látið malla í smástund, hrærið stöðugt í á meðan.
- Setjið hunangið út í og um leið það er bráðnað bætið brandíinu út í og sjóðið niður í smá stund áður en soðinu er hellt út í og látið sjóða í 10-15 mín.
- Þykkið sósuna með sósujafnara eða kornsterkju, bætið rjómanum út í, látið malla í 3-4mín.
- Smakkið til með salt og pipar. Ef nautið er eldað í ofni er um að gera að bæta steikarsoðinu úr ofnskúffunni út í.
Verði ykkur að góðu,
Friðrik V