Það er um að gera að prófa eitthvað nýtt til hátíðarbrigða. Þessar kartöflukökur mun ekki valda vonbrigðum með nautakjötinu.
Hráefni
- 4 bökunarkartöflur
- 3 msk. ferskur parmesan rifin
- 3 msk. steinselja söxuð
- salt, pipar og nýmalað múskat
- 1 msk. olía
- 2 egg
Aðferð
- Sjóðið kartöflurnar í 10 mín. kælið og flysjið.
- Smyrjið lítið hringlaga, eldfast mót með olíunni.
- Skerið kartöflurnar í 3-4 cm. þykkar sneiðar og raðið í botninn á mótinu.
- Kryddið yfir með salti, pipar og múskat, stráið steinselju og parmesan yfir, áður en næsta lagi af kartöflum er raðað, endurtakið þar til formið er fullt.
- Þá eru eggin þeytt vel í sundur og helt yfir bakið í 190°C heitum ofni 15-20 mín eða þangað til eggin eru elduð.
- Þetta má einnig gera á grillinu, fylgjast þarf með hitastiginu og að eggin nái að fulleldast.
- Þá er kökunni hvolft á ofnplötu, parmesan og múskati stráð yfir, áður en bakað er í 10-15 mín í viðbót eða látið malla á grillinu, þangað til yfirborðið er fallega brúnað.
Verði ykkur að góðu,
Friðrik V