Blómkál er dásamlegt hráefni og möguleikarnir margir, hér er spicy hugmynd.
Hráefni
Blómkál
- 1 stórt blómkál eða 2 minni
- 2 msk extra virgin ólífuolía, t.d. frá Filipo Berio
- 1 tsk chilí mauk, minched hot chilí frá Blue dragon
- 6 tsk paprikuduft (mjög gott að nota reykt paprikukrydd)
- 3 tsk cumin (ath ekki kúmen)
- 1 límóna
- salt og pipar
Chili-mayo
- 1 tsk chilí mauk, minched hot chilí frá Blue dragon
- 2 msk mayones
- 2 msk sýrður rjómi
- 1 hvítlauksrif
- safi úr 1 límónu
- salt og pipar
Annað
- 8 litlar tortillur
- Mangó
- ferskt kóríander
- rauðlaukur
- avacado
- hvítkál
Aðferð
- Skerið blómkálið niður í litla bita. Setjið ólíu og kryddin saman í skál og blandið vel saman við blómkálið.
- Raðið blómkálinu á bökunarplötu með smjörpappír og bakið í 175°c heitum ofni í 30 mínútur. Setjið á grill í nokkrar mínútur undir lokin til að blómkálið verði smá stökkt.
- Setjið öll hráefnin fyrir chilímayo saman í matvinnsluvél (eða notið töfrasprota) og maukið vel saman.
- Steikið tortillurnar á pönnu (mjög gott að steikja upp úr hvítlauksolíu) og skerið meðlætið niður.
- Setjið blómkál á tortillurnar, þá grænmetið, chilí mayo og að lokum kóríander.
Njótið, Berglind