- 15 mín
- Fyrir 4, (á innkaupalistanum eru tveir pakkar af risarækju, svo það er lítil mál að stækka réttinn)
Risarækjupasta í spicy hvítlaukstómatsósu tekur aðeins korter að útbúa! Ef þú þarft að redda ljúffengum kvöldmat á 0 einni þá er þetta réttur fyrir þig.
Það besta við að elda rétt með risarækjum er að það tekur mjög stuttan tíma að afþýða rækjurnar. Ég kaupi yfirleitt risarækjur frá Sælkerafiski, tek þær úr umbúðunum og læt kalt vatn renna á þær, þá verða þær tilbúnar til eldunar á um það bil 30 mín.
Einnig er hægt að kaupa soðnar rækjur frá Sælkerafiski og þá þarf ekkert að afþýða.
Hráefni
- 550 g risarækjur t.d. frá Sælkerafiski
- 400 g spagettí
- 1 laukur
- 5 hvítlauksgeirar
- 2 tsk ítölsk kryddblanda
- Salt og pipar
- ½ tsk þurrkað chillí krydd
- Hunt’s pastasósa með hvítlauk og lauk, eða önnur sambærileg
- 2,5 dl rjómi
- 200 g kirsuberjatómatar
- 1 msk smjör
- Rifinn parmesanostur
- Ferskt basil (ekki nauðsynlegt)
Aðferð
- Byrjið á því að sjóða pastað samkvæmt leiðbeiningum á umbúðum þar til það er al dente (ekki alveg full soðið).
- Setjið olíu á pönnuna, skerið laukinn smátt niður og steikið hann þar til hann er orðinn mjúkur og glær. Pressið hvítlaukinn í gegnum hvitlaukspressu (eða skerið smátt niður).
- Bætið risarækjunum á pönnuna og kryddið. Þegar risarækjurnar eru byrjaðar að verða bleikar, bætið þá pastasósunni út á ásamt rjómanum. Bætið tómutunum út í. Smakkið til og bætið kryddi út í eftir smekk.
- Hellið vatninu af pastanu og bætið því út í sósuna. Setjið smjör út í og blandið öllu saman.
- Berið fram með parmesanosti og ferskri basil.
Vonandi verðið þið ánægð með þennan rétt, ég var það!
Kveðja Linda Ben
Hér er umfjöllun um réttinn á lindaben.is