Karamelluístertan eftir Berglindi Guðmundsdóttir frá 2016 er stórglæsileg terta sem engann svíkur. Saltkaramella,
marens og ís er hin fullkomna þrenna. Fyrir 8-10.
Hráefni
MARENSBOTN
- 3 eggjahvítur
- 2 dl sykur
- 50 g salthnetur, saxaðar
SALTKARAMELLUKREM
- 3 eggjarauður
- 1 dl sykur
- 200 g Síríus rjómasúkkulaði með karamellu og sjávarsalti
- 4 dl þeyttur rjómi
SKRAUT
- 100 g Síríus rjómasúkkulaði með karamellu og sjávarsalti
Aðferð
MARENSBOTN
- Þeytið eggjahvítur og bætið sykrinum saman við í nokkrum skömmtum.
- Stífþeytið þar til blandan hreyfist ekki til í skálinni sé henni hvolft.
- Blandið salthnetunum varlega saman við með sleif.
- Setjið deigið í form klætt með smjörpappír og bakið í 130°C heitum ofni í um eina klukkustund.
KREM
- Þeytið eggjarauður og sykur vel saman eða þar til það er létt og ljóst.
- Saxið rjómasúkkulaðið og blandið saman við.
- Þeytið að lokum rjómann og bætið varlega saman við með sleif.
- Setjið kremið yfir botninn og frystið í að minnsta kosti 4 klukkustundir.
- Takið kökuna úr frysti 15 mínútum áður en hún er borin fram og skreytið með söxuðu Síríus rjómasúkkulaði með karamellu og sjávarsalti