Þessi kjúklingaréttur er sérstaklega bragðgóður og mögulega sá einfaldasti sem þú munt elda, sem þýðir að þú munt elda hann aftur og aftur og aftur og...
Hráefni með fimm bringum (ætti að vera flott fyrir fjóra)
- 5 kjúklingabringur
- 1 stór krukka rautt pestó
- 1 krukka Dala feta
- 12 döðlur, smátt skornar
- Salt og nýmalaður pipar
Aðferð
- Hitið ofninn í 180°C.
- Leggið kjúklingabringurnar í eldfast mót.
- Setjið pestó, smátt skornar döðlur og fetaost á hverja bringu.
- Kryddið bringurnar með salti og nýmöluðum pipar,
- Dreifið blöndunni yfir kjúklinginn og bakið í ofni við 180°C í 35-40 mínútur.
- Berið fram með ofnbökuðum sætum kartöflum og fersku salati.
Eftir Evu Laufeyju Kjaran Hermannsdóttur