Dásamlegar snittur sem stutta stund tekur að útbúa. Tilvaldar á veisluborðið og þegar fólk kemur saman.
Sex skammtar
Hráefni
- 1⁄2 stk. baguette brauð
- 1⁄2 stk. Ostakubbur (Fetakubbur) frá Gott í matinn
- 1⁄2 askja mozzarella kúlur
- 1 askja kirsuberjatómatar
- fersk basilíka
- ólífuolía
- hvítlaukssalt
- balsamic vinegar
Aðferð
- Ofninn er hitaður í 200 gráður blástur.
- Baguette brauðið er skorið niður og því raðað á bökunarpappír.
- Brauðið er penstað með olíu og hvítlaukssalti.
- Ostakubburinn, Mozzarella kúlurnar og tómatarnir eru skornir niður.
- Brauðið er sett inn í ofn í 2 mínútur.
- Brauðið er þá tekið út og Ostakubbi og Mozzarella kúlum dreift jafnt á snitturnar.
- Snitturnar eru settar aftur inn í 2-3 mínútur.
- Í lokinn fara tómatarnir og basilikan sett á snitturnar.
- Best er að setja balsamic vinegar á snitturnar rétt áður þær eru bornar fram þar sem brauðið dregur hana í sig ef hún er of lengi á brauðinu.
Eftir Gígju S. Guðjónsdóttur