Súpan er úr bókinni Eldhús grænkerans en í henni galdrar Hanna Hlíf fram ljúfenga grænmetisrétti.
Hráefni
- 1-2 msk. olía
- 2 skalottulaukar, saxaðir
- 1 lítill spergilkálshaus (brokkolí)
- 2 msk tamarisósa
- 200 g aspas
- 200 ml aspassafi
- 500 ml rjómi
- 2 msk grænmetiskraftur eða 1-2 grænmetisteningar
- 1 tsk tazza masala (eða annað gott krydd, t.d. tikka masala eða tandoori masala)
- 1 tsk karrí
- 1 tsk sinnepsduft
- 1 hvítlauksrif, pressað
- 1 tsk estragon
- Sjávarsalt og nýmalaður svartu pipar
Aðferð
- Hitið olíu á pönnu og steikið skalottulauk þar til hann er orðinn glær.
- Skerið eða rífið spergilkál í bita og hafið stærð bitanna eftir smekk.
- Steikið spergilkálið með skalottulauknum í u.þ.b. 2 mín, bætið þá tamarisósu við og lækkið hitann.
- Bætið restinni af hráefninu við og hitið að suðu.
- Lækkið hitann og látið malla í 3-4 mín.
- Smakkið til með salti og pipar.
Eftir Hönnu Hlíf Bjarnadóttur