Ljúffengt lasagne með skemmtilegum snúningi. Algjörlega vegan og frábært fyrir alla fjölskylduna!
Hráefni:
- 395 gr veganhakk
- 1 stk sæt kartafla
- 3 stk tómatar
- 1 stk hótel laukur
- 4 stk sellerí strimlar
- 1 poki veganostur
- 1 dós Yosa oat black pepper
- 1 pk lasagne plötur
- 1 flaska pastasósa
- Vatn
Þarf að vera til heima: olía, salt og pipar.
Leiðbeiningar:
- Hitið ofninn í 180°C
- Leggið pastaplöturnar í bleyti.
- Skrælið sætu kartöfluna og skerið í u.þ.b. 1 cm þykkar sneiðar.
- Veltið kartöflunum upp úr olíu, salti og pipar og raðið á bökunarpappír.
- Bakið við 180°C í 10-15 mín.
- Fínsaxið laukinn, selleríið og tómatana og rífið vegan ostinn með rifjárni
- Hitið stóra pönnu eða pott og steikið laukinn í olíu.
- Mýkið laukinn og bætið svo vegan hakkinu við á pönnuna og steikið.
- Setjið selleríið og tómatana á pönnuna og steikið í 3 mínútur.
- Hellið pastasósunni á pönnuna, náið upp suðu en passið að hræra á meðan svo ekki brenni í botninn. Bætið við salti og pipar eftir smekk.
- Þá er komið að því að raða lasagna í eldfast mót:
- Setjið „kjötsósuna“ í botninn, þá pastaplötur, svo sætar kartöflur og lokst Yosa oat rjómann.
- Endurtakið koll af kolli þar til hráefnið klárast. Gott er að setja smávegis af veganostinum á milli laga.
- Stráið afganginum af veganostinum yfir.
- Bakið við 180°C í 30 – 35 mínútur.
Verði ykkur að góðu!