Mjög einfaldur og léttur réttur sem einkennist af ferskleika. Kemur sér vel þegar lítill tími er til stefnu! Flottur réttur fyrir tvo fullorðna og tvö börn.
Hráefni:
- 1 pk salatblanda
- 1 stk sítróna
- 1 stk sæt kartafla
- 1 stk rauðlaukur
- 2 stk epli
- 300 g risa rækjur
- 20 gr smjör
- ½ tsk salt
Þarf að vera til heima: smjör, olía, salt og pipar.
Leiðbeiningar:
- Hitið ofninn í 180°C
- Skerið sætu kartöfluna í litla bita.
- Saltið og piprið vel og dressið bitana með 4 msk af olíu.
- Bakið við 180°C í 35 mín eða þar til bitarnir eru fulleldaðir.
- Takið úr ofninum svo og látið kólna aðeins áður en bitarnir eru settir í salatið.
- Skolið salatið og þerrið vel.
- Skolið rækjurnar og þerrið vel.
- Alls ekki láta hráar rækjur komast í snertingu við salatið eða annað hráefni.
- Rífið börkinn af sítrónunni með rifjárni og setjið til hliðar.
- Skerið laukinn niður í mjög þunna strimla og eplin í litla bita og látið liggja í vatni með safa úr hálfri sítrónu.
- Steikið rækjurnar í olíu á vel heitri pönnu, saltið og piprið.
- Setjið smjörið á pönnuna ásamt sítrónusafa úr hinum helmingi sítrónunnar og rifna sítrónuberkinum.
- Steikið í 2-3 mín, eða þar til að rækjurnar eru eldaðar.
- Hellið vatninu af lauknum og eplunum og setjið í skál ásamt sætu kartöflunum og salatinu. Dreifið loks rækjunum yfir.
- Gott er að nota steikarsmjörið af rækjunum sem dressingu á salatið.
Verði ykkur að góðu!