Hinn eini sanni plokkfiskur sem allir þekkja. Í kvöld skaltu gera gott enn betra og dressa plokkfiskinn upp í spariföt.
Hráefni:
- 650 gr ýsubitar
- 2 stk stórar kartöflur
- 1 stk stór laukur
- 1 pk bearneas sósa
- 500 ml mjólk
- 1 poki rifinn ostur
- 100 g smjör
Þarf að vera til heima: smjör, salt og pipar.
Leiðbeiningar:
- Hitið ofninn í 220°C
- Skerið kartöflurnar í bita (u.þ.b. 2x2cm) og sjóðið í potti. Mikilvægt er að salta vatnið.
- Sjóðið fiskinn í potti á lágum hita.
- Saltið vatnið vel.
- Til þessa að koma í veg fyrir að fiskurinn verði þurr, er gott að ná upp suðu og lækka svo hitann niður í stillingu 1 eða 2 með lokið á pottinum.
- Gott er að miða við að fiskurinn eldist við 52-56°C í 10-15 mín.
- Skerið laukinn í þunnar sneiðar og steikið hann á miðlungs heitri pönnu. Ef ekki er til nógu djúp panna skal nota pott.
- Bætið smjörinu við á pönnuna og steikið í 2 mín.
- Setjið svo bernaise sósuduftið og mjólkina út á pönnuna og hrærið vel á meðan suðan er að koma upp.
- Blandið kartöflunum saman við og því næst fiskinum. Hrærið vel saman.
- Smakkið til með salti og pipar.
- Setjið í eldfast mót og stráið rifna ostinum yfir.
- Bakist við 220°C í 10-15 mín eða þar til osturinn hefur bráðnað og er orðin gullinbrúnn.
- Fyrir þau sem það vilja er gott að fá sér sneið af seyddu rúgbrauði með smjöri með plokkfiskinum.
Verði ykkur að góðu!