Bragðgóður og skemmtilegur grænmetisréttur með indverskum stæl. Hollur og framandi kvöldverður sem gefur fólki eitthvað til að tala um. Flott fyrir tvo fullorðna og tvö börn. Einnig má bæta við salati.
Hráefni:
- 1 stk blómkálshaus
- 1 stk granatepli
- 1 stk sítróna
- 400 gr kjúklingabaunir
- 1 krukka korma sósa
- 200 gr rifinn parmesan (hægt að skipta út fyrir vegan ost)
- 5 gr ras-el-hanout krydd
- 100 gr afhýddar möndlur
- 20 gr smjör
Þarf að vera til heima: Smjör, olía, salt og pipar.
Leiðbeiningar:
- Hitið ofninn í 180°C.
- Skerið grænu laufin og stönglana af blómkálinu og setjið hausinn í eldfast mót.
- Smyrjið u.þ.b. 20 gr af smjöri jafnt á blómkálshausinn og hellið smá olíu yfir.
- Takið klípu af salti og pipar og stráið jafnt yfir blómkálshausinn og dreifið svo u.þ.b. matskeið (5 gr.) af Ras-el-Hanout kryddinu yfir. Gott er að nudda hausinn varlega til að kryddið blandist vel smjörinu og olíunni.
- Rífið börkinn á sítrónunni og setjið til hliðar. Notið fínt rifjárn og passið að rífa aðeins gula lagið, ekki rífa hvíta hluta barkarins.
- Kreistið safa úr helmingi sítrónunnar yfir blómkálið.
- Bakið blómkálið við 180°C í 35 mínútur.
- Dreifið rifna ostinum yfir blómkálið og bakið í 20 mínútur í viðbót.
- Hitið korma sósuna ásamt kjúklingabaununum í potti við lágan hita. Kreistið safa úr hinum helmingi sítrónunnar yfir. Mikilvægt er að hreyfa aðeins til í pottinum en ekki hræra of mikið.
- Saxið möndlurnar í grófa bita og ristið í ofninum (við 180°C) í 7-9 mínútur.
- Opnið granateplið og hreinsið perlurnar úr.
- Þegar blómkálið er tilbúið er kjúklingabaununum hellt fallega kringum blómkálshausinn og sítrónuberki, möndlum og granateplaperlum dreift yfir.
Verði ykkur að góðu!