Þessi yndislega súpa minnir á sumarið bæði hvað varðar bragð og útlit. Bjóddu fjölskyldunni upp á bragðgóðu súpu ásamt brakandi hvítlauksbrauði. Flott fyrir tvo fullorðna og tvö börn. Kjörið er að bera salat fram með súpunni.
Hráefni:
- 450-500 gr grasker
- 70 gr engifer
- 2 stk lime
- 1 stk chilli
- 2 stk hvítlauksbrauð
- 100 gr púðursykur
- 500 ml rjómi
- 1 stk grænmetisteningur
- 250 gr smjör
- 500 ml vatn
Þarf að vera til heima: salt og pipar.
Þú getur notað töfrasprota, matvinnsluvél eða blandara.
Leiðbeiningar:
- Hitið ofninn í 170°C
- Skerið graskerið langsum til helminga.
- Takið fræin úr og leggið helmingana á smjörpappírsklædda bökunarplötu.
- Blandið saman smjörinu og 100 gr af púðursykri og dreifið yfir graskershelmingana.
- Bakið við 170°C í 45-50 mín.
- Skrælið engiferið og rífið það niður með rifjárni.
- Rífið limebörkinn með rifjárni. Passið að rífa aðeins græna yfirborðið, ekki hvíta hluta barkarins. Kreistið svo safann úr lime-unum og geymið.
- Fræhreinsið chilli-ið og saxið smátt.
- Takið graskerið úr ofninum og hækkið hitann í 180°C.
- Bakið hvítlauksbrauðið við 180°C í 15-20 mín.
- Mokið graskerinu upp úr hýðinu ofan í stóran pott. Hendið hýðinu.
- Hellið rjómanum og vatninu í pottinn ásamt rifna engiferinu, chilli-inu og grænmetiskraftinum (1 teningur eða eftir smekk).
- Náið upp suðu og hrærið á meðan.
- Notið töfrasprota eða setjið í matvinnsluvél og blandið öllu saman þar til áferðin er orðin mjúk. Ef hvorki er til matvinnsluvél eða töfrasproti er ágætt að stappa graskerið mjög vel áður en rjóminn fer út í.
- Bætið limeberkinum út í og blandið vel.
- Sjóðið í u.þ.b. 15 mínútur.
- Bætið við salti, pipar og lime safanum eftir smekk
Verði ykkur að góðu!