Klassískur heimilismatur sem allir kannast við. Hafðu það notalegt í kvöld með þessum frábæra rétti.
Hráefni:
- 625 gr hakk
- 225 gr sveppir
- 1 stk laukur
- 2 stk paprika
- 10 gr smjör
- 1 dós sýrður rjómi
- 3 tsk hvítlauksduft
- 400 gr pasta
- 1½ teningur nautakraftur
- 400 ml vatn
Þarf að eiga: Salt, pipar, olía og smjör.
Leiðbeiningar:
- Sjóðið vatni með salti. Setjið 400 gr. af pasta út í þegar suða kemur upp og sjóðið í 15-20 mín.
- Þegar pastað er soðið taktu það úr vatninu en geymdu einn bolla (250 ml) af vatninu.
- Skerið laukinn í litla bita og paprikuna og sveppina í miðlungsstóra bita.
- Hitið pönnu sem er nógu djúp fyrir réttinn. Ef þú átt ekki þannig pönnu getur þú fært hráefnið yfir í pott þegar búið er að steikja.
- Setjið olíu á pönnuna og steikið sveppina og laukinn þar til þeir eru orðnir gullin brúnir, eða vel steiktir.
- bætið paprikunni við og steikið í u.þ.b. 1 mínútu.
- setjið smjörið á pönnuna og hrærið.
- Takið grænmetið af pönnunni.
- Setjið nautahakkið á sömu pönnuna og steikið vel við háan hita.
- Bættu bollanum af vatninu ásamt nautakraftinum og hvítlauksduftinu á pönnuna og sjóðið í 5 mín.
- Bætið grænmetinu aftur út á pönnuna.
- Bættu sýrða rjómanum út í og hrærðu þar til hann hefur blandast vel.
- Að lokum er pastanu bætt út í. Smakkið til með salti og pipar.
Þeir sem vilja geta rifið ost yfir. Berið fram í pönnunni/pottinum.
Verði ykkur að góðu!