Saltimbocca að hætti ítala
Þessi snilldarréttur er einfaldur í framkvæmd og ekkert eðlilega góður! Það er eitthvað við kjúkling og parmaskinku sem virkar alltaf fyrir mig.
25 mín
4
skammtar
6.539 kr.
Setja í körfu
Hráefni
6.539 kr.
Setja í körfu
Uppskrift
Hráefni
- 500 g Kjúklingabringur
- 100 g Parmesanostur rifinn
- 1 pakki Parma skinka
- 10 g Salvía
- 0.5 stk Safi úr sítrónu
- 450 g Tagliatelle
- 2 msk Smjör til steikingar
- 2 msk Ólífuolía
- Skerið kjúklingabringurnar í þunnar sneiðar langsum. Setjið plastfilmu yfir þær og lemjið þær niður í ca. 1 cm þykkt.
- Rífið niður parmesanost og setjið í miðju kjúklingsins. Leggið parmaskinku yfir bringurnar og tvö salvíublöð í miðjuna yfir parmaskinkuna. Þrýstið niður á bringurnar og þræðið upp á pinna.
- Leggið hvern bita í hveiti á þeirri hlið sem kjúklingurinn er.
- Látið smjör á pönnu og ólífuolíu og hitið. Steikið kjúklinginn á hvorri hlið í um 4-5 mínútur eða þar til eldaður í gegn.
- Takið kjúklinginn af pönnunni og leggið á disk. Kreystið smá sítrónu yfir, stráið parmesan og smá svörtum pipar.
- Berið fram með tagliatelle og salati.
