Rjómaostafylltar brauðbollur
Þessar rjómaostafylltu brauðbollur slá ávallt í gegn. Þeim svipar til hvítlauksbrauðs, nema þær eru bara svo miklu meira, betra og skemmtilegra. Fljótlegar í gerð og einfalt að taka í sundur. Það er alveg ráðlegt að tvöfalda uppskriftina því þessar hverfa hratt.
30 mín
6
skammtar
3.074 kr.
Setja í körfu
Hráefni
3.074 kr.
Setja í körfu
Uppskrift
Hráefni
- 6 Brauðbollur
- 2 dl Rifinn mozzarellaostur
- 200 g Rjómaostur með graslauk og lauk
- 100 g Smjör
- 2 tsk Dijon sinnep
- Vorlaukur til skrauts
- 2 tsk Ítalskt krydd
- 1 tsk Salt
- 1 tsk Pipar
Afþýðið brauðbollurnar og skerið 3-4 línur í brauðbollurnar langsum og þversum. Látið skurðinn ná neðarlega í bollurnar, en þó ekki alveg niður.
Blandið rjómaosti og mozzarella vel saman í skál og blandið vel saman. Látið blönduna í skurðinn á brauðbollunum.
Bræðið smjörið og látið Dijon sinnep, ítalskt krydd, sjávarsalt og svartan pipar saman við. Dreypið smjörblöndunni yfir ostinn á brauðbollunum með skeið.
Setjið á bökunarplötu og bakið við 180°c í um 15 mínútur eða þar til osturinn er bráðinn og brauðbollurnar eru farnar að fá gylltan lit.
