Pizza kjúklingaréttur með pepperóní og ostasósu
Ég, eins og mörg, er alveg sérlega mikil pítsukona. Fátt er betra en góð pítsa og á nokkrum pítsustöðum er hægt að fá pítsur með ríflegu magni af áleggi sem ganga undir nöfnum eins og Pavarotti eða Extra. Þessi samsetning er mjög amerísk og vinsæl þar en því ekki að prófa að blanda þessum hráefnum saman í djúsí kjúklingarétt. Útkoman er svona framúrskarandi góð og þessi blanda er ekkert síðri pöruð með kjúkling og ostasósu.
45 mín
4
skammtar
10.102 kr.
Setja í körfu
Hráefni
10.102 kr.
Setja í körfu
Uppskrift
Hráefni
Rétturinn
- 900 g Kjúklingalundir
- 2 msk Olía
- 1 stk Rauðlaukur
- 5 stk Sveppir
- 0.5 stk Græn paprika
- 12 stk Pepperónísneiðar
- 100 g Svartar ólífur
Rjómaostasósa
- 150 g Pepperóní ostur
- 1 stk Kjúklingakraftur
- 3 msk Rjómaostur
- 2 msk Tómatpúrra
- 1 msk Oreganó
- 1 tsk Basilika
- 1 tsk Hvítlauksduft
- 200 ml Rjómi
- 150 ml Vatn
- Kryddið kjúklinginn og skerið rauðlaukinn í þunnar sneiðar.
- Hitið olíu á pönnu og setjið laukinn út á.
- Steikið laukinn þar til hann fer að mýkjast, bætið kjúklingnum út á pönnuna og brúnið. Það þarf ekki að gegnumsteikja kjúklinginn á þessu stigi.
- Setjið kjúklinginn og laukinn í eldfast mót.
- Næst er það sósan góða.
- Skerið pepperóní ostinn í litla bita og setjið í pott.
- Hellið vatni, kryddum, rjómaosti, tómatpúrru og rjóma út í og hrærið vel saman.
- Þegar ostabitarnir hafa bráðnað og búið er að smakka sósuna til má hella henni yfir kjúklinginn.
- Setjið helminginn af sveppunum og paprikunni yfir sósuna og stráið rifna ostinum yfir.
- Raðið síðan pepperóní, restinni af sveppunum og paprikunni yfir ásamt ólífum ef vill.
- Bakið loks í 200°C heitum ofni í 20 mínútur eða þar til osturinn er orðinn gylltur.
Leiðbeiningar
Leiðbeiningar
Skref 1
Skref 2
Skref 3
