Mexíkóskt fajitas á ofureinfaldan hátt
Maður fær aldrei nóg af mexíkóskum mat og hér er uppskrift sem ætti að vekja mikla lukku. Hráefnin eru fá og matreiðslan einföld en lykillinn liggur í dásamlegri kryddblöndu sem setur svo sannarlega punktinn yfir i-ið. Þetta fajitast má bera fram sem aðalréttur með góðu salati og hrísgrjónum eða sem fylling í dásemdar tortillur. Ykkar er valið…og þetta verður alltaf frábært.
40 mín
4
skammtar
2.814 kr.
Setja í körfu
Hráefni
2.814 kr.
Setja í körfu
Uppskrift
Hráefni
- 700 g Kjúklingabringur
- 4 Paprikur
- 1/2 Laukur
- Safi úr 1 límónu
- Ferskt kórínader, saxað
- 2 msk Ólífuolía
- 2 tsk Taco krydd
- 1 tsk Chilí krydd
- 1 tsk Cumin
- 1 tsk Hvítlauksduft
Skerið kjúklinginn í litla bita og paprikurnar og laukinn í sneiðar.
Blandið kjúklingi, paprikum og lauk saman í stóra skál og hellið ólífuolíunni yfir. Blandið öllum kryddunum saman og stráið yfir allt. Blandið vel saman.
Setjið smjörpappír á ofnplötu og hellið þessu yfir á hana. Dreyfið vel úr.
Eldið í 180°c heitum ofni í um 15-20 mínútur eða þar til kjúklingurinn er fulleldaður og grænmetið farið að mýkjast.
Kreystið límónusafa yfir allt, byrjið á safa úr 1/2 límónu og bætið meira safa saman við ef ykkur finnst þörf á því.
Stráið söxuðu kóríander yfir allt. Berið fram með hrísgrjónum og góðu brauði eða sem fyllingu í tortillu.
Umfram allt… njótið vel.
