Mexíkó kjúklingasalat með kínversku ívafi að hætti Maríu Paz

Ég mæli með að þið gerið salatið um leið og á að borða það. Svo er möst að hafa auka sýrðan, salsa sósu og sweet chili sósu á borðinu ef ykkur langar að bæta á salatið.

Innkaupalistinn inniheldur öll hráefni nema salt, pipar og olíu.

Aðferð

1. Það er hægt að gera salatið á einn stóran disk eða á sitthvorn diskinn
2. Byrjið á að steikja bringurnar þunnt skornar í bitum upp úr ólífuolíu og saltið piprið og kryddið með ykkar uppáhalds kjúklingakryddi
3. Rífið svo þvegið iceberg á disk eða sitthvorn diskinn og setjið nýsteiktar bringurnar ofan á kálið
4. Setjið svo gular baunir, avókadó og fetaost yfir og inn á milli kjúklingsins
5. Dreifið svo salsasósu yfir allt og setjið sýrðan rjóma inn á milli í doppum
6. Hellið svo Sweet chili sósunni yfir að lokum og myljið nacho snakki yfir allt heila klabbið.