Bakstur

Eftirréttir

Jól
Krydduð rúlluterta með rjómakremi

Krydduð rúlluterta með rjómakremi

Ég hef alltaf verið mjög hrifin af rúllutertum og elska að baka þær, það er nefnilega miklu einfaldara en maður skyldi halda. Yfirleitt er baksturstíminn mjög stuttur og þær eru fljótar að kólna svo það er hægt að fullklára þær á stuttum tíma. Þessi er tilbrigði við lagtertuna góðu en hún er léttari í sér og með rjómakremi í stað smjörkrems. Þessi dásamlega terta er svo góð og falleg.

30 mín

4
skammtar
0 kr.

Setja í körfu

0 kr.

Setja í körfu

Uppskrift

Hráefni

Hráefni

  • 3 egg
  • 100 g Sykur
  • 60 g Hveiti
  • 2 msk Kartöflumjöl
  • 1 msk Kakó
  • 2 tsk Kanill
  • 1 tsk Negull
  • 0.5 tsk Matarsódi

Rjómakrem

  • 3 dl Rjómi
  • 100 g Flórsykur
  • 1 tsk Vanilludropar

    Leiðbeiningar

    1. Setjið egg og sykur saman í hrærivélaskál og þeytið í alveg 10 mín. Freistist ekki til að stytta tímann, það er mikilvægt að þessi blanda þeytist mjög vel.

    2. Hitið ofninn í 230° blástur

    3. Setjið þurrefni saman í skál og sigtið 1/3 út í eggjablönduna og blandið varlega saman við með sleikju, setjið 1/3 í viðbót saman við þeytinguna og blandið varlega saman. Klárið að sigta þurrefnin saman við og blandið varlega saman við.

    4. Setjið bökunarpappír á bökunarplötu og smyrjið deiginu á plötuna með sleikju eða pönnukökuspaða.

    5. Bakið í miðjum ofni í 6 mín. Fylgist vel með þar sem ofnar eru misjafnir.

    6. Takið botninn út og kælið alveg áður en kremið er sett á. Gott er að setja hreint viskastykki yfir botninn á meðan hann kólnar svo hann harðni ekki um of.

    7. Smyrjið kreminu á botninn og rúllið kökunni varlega upp. Snyrtið kantana ef þarf og dustið flórsykri yfir.