Krispí lakkríspinnar
Krispí pinnar með Rice Krispies og lakkrískurli, uppskriftin gerir um 24-28 stykki.
24
skammtar
5.410 kr.
Setja í körfu
Hráefni
5.410 kr.
Setja í körfu
Uppskrift
Hráefni
- 100 g Smjör
- 400 g Síríus Suðusúkkulaði
- 28 stk Íspinnaprik
- 450 g Síróp
- 340 g Kellogg's Rice Krispies
- 300 g Síríus Eitt Sett lakkrískurl
- 150 g Síríus Hvítir súkkulaðidropar, bræddir
- 1 pakki Síríus karamellukurl til skrauts
- Setjið smjör, suðusúkkulaði og síróp í pott og bræðið saman við meðalháan hita.
- Leyfið blöndunni að malla í nokkrar sekúndur, takið af hellunni og blandið Rice Krispies saman við í nokkrum skömmtum. Að lokum er lakkrískurlið sett út í, blandið vel.
- Setjið bökunarpappír á tvær plötur eða bretti. Dreifið blöndunni jafnt yfir, í tvo u.þ.b. 30 x 15 cm fleti. Miðið við að hafa þá um 3 cm að þykkt.
- Leggið bökunarpappír ofan á blönduna og þjappið með annarri bökunarplötu/bretti til að slétta aðeins úr. Reynið að hafa fletina eins beina og hornlaga og þið getið.
- Þá er að stinga íspinnaprikunum í blönduna miðja, sitthvoru megin, með jöfnu millibili, og þjappa svo vel að með fingrunum. Kæla í um klukkustund.
- Skerið hvern flöt langsum eftir miðjunni og svo mitt á milli íspinnaprikanna sitt hvoru megin.
- Að lokum má skreyta lakkríspinnana með bræddu hvítu súkkulaði og karamellukurli.
