Kjúklingaréttur með kókosmjólk og sterku karrý
Hér er á ferð réttur að mínu skapi – fullt af fallegum litum, hollustan í fyrirrúmi og svona matur sem maður upplifir að næri bæði líkama og sál! Rétturinn er meðalsterkur með 1 kúfaðri msk af sterku karrýi og rífur aðeins í sem er voða gott að mínu mati en auðvitað misjafnt hvað fólk þolir í þeim efnum. Rétturinn er bæði auðveldur og fljótlegur. Frábær réttur sem ég mæli með að þið prufið!
20 mín
4
skammtar
1.006 kr.
Setja í körfu
Hráefni
1.006 kr.
Setja í körfu
Uppskrift
Hráefni
- 2 Hvítlauksrif, pressuð
- 700 g Kjúklingabringur, skornar í teninga
- 250 g Gulrætur, skornar í sneiðar
- 1 Rauðlaukur, skorinn í sneiðar
- Safi úr 1 lime
- 5 g Kóríander, saxað
- 2 msk Olía
- 1 msk Sterkt karrý
- 0.5 Kúrbítur, skorinn í tvennt langsum og síðan sneiðar
- 1 Paprika, skorin í strimla
- 1 msk Hveiti
- 400 ml Kókosmjólk
- 1 msk Hnetusmjör
- Pipar
- 1 stk Salt
Látið olíu á pönnu og hvítlaukinn og steikið lítillega við meðalhita. Bætið kjúklinginum út á pönnuna og steikið í 3-4 mínútur. Bætið síðan grænmetinu saman við og steikið áfram þar til það byrjar að mýkjast.
Blandið hveitinu saman við kókosmjólkina og hellið síðan út á pönnuna ásamt hnetusmjörinu og limesafa. Bætið kóríander saman við og saltið og piprið ríkulega. Hitið að suðu og látið sjóða í 1 mínútu. Berið fram með hrísgrjónum.
