Jólaís með Toblerone súkkulaðisósu

Það er svooooo einfalt að útbúa ljúffengan heimatilbúinn ís og mér finnst heit sósa algjörlega toppa slíka dásemd.

4 klst 20 mín

6
skammtar

Uppskrift

Hráefni

  • 4 stk Egg
  • 50 g Púðursykur
  • 30 g Sykur
  • 2 tsk Vanillusykur
  • 450 ml Rjómi
  • 6 stk Kókosbollur, skornar í tvennt
  • 300 g Toblerone

    Leiðbeiningar

    Jólaís uppskrift

    *Innihald: *

    • 4 egg (aðskilin)
    • 50 g púðursykur
    • 30 g sykur
    • 2 tsk. vanillusykur
    • 350 ml þeyttur jólarjómi frá Gott í matinn
    • 6 litlar kókosbollur (skornar í tvennt)
    • 100 g saxað Toblerone

    *Aðferð: *

    1. Þeytið eggjarauður og sykur þar til létt og ljóst og bætið vanillusykri saman við í lokin.
    2. Vefjið þeyttum rjóma saman við með sleif og bætið Toblerone saman við.
    3. Að lokum má stífþeyta eggjahvíturnar og vefja þeim varlega saman við rjómablönduna og setja kókosbollurnar saman við alveg í lokin.
    4. Hellið í ílangt kökuform sem búið er að plasta að innan með plastfilmu og frystið í að minnsta kosti 4 klukkustundir eða yfir nótt.
    5. Takið ísinn úr forminu þegar það á að bera hann fram og skreytið með kókosbollum, jarðarberjum, söxuðu Toblerone og Tobleronesósu.

    Súkkulaðisósa uppskrift

    • 200 g Toblerone
    • 100 ml rjómi
    1. Bræðið Toblerone og rjóma saman í potti þar til súkkulaðið er bráðið.
    2. Leyfið sósunni aðeins að þykkna og hitanum að rjúka úr og berið fram með ísnum.