Jólabjórhnetur

Jólahnetur og bjór = jólabjórhnetur….eða svona næstum því, hahaha! Hér eru á ferðinni guðdómlegar hnetur sem búið er að hjúpa í sykri, kanil og rósmarín. Þannig fá þær jólalegt yfirbragð og fara einstaklega vel með ískaldri Stellu!

40 mín

4
skammtar

Uppskrift

Hráefni

  • 500 g Kasjúhnetur
  • 250 g Sykur
  • 2 tsk Rósmarín þurrkað
  • 1/2 tsk kanill
  • 1 stk Sjávarsalt

    Leiðbeiningar

    *Innihald : *

    • 500 g heilar kasjúhnetur (ósaltaðar)
    • 100 ml vatn
    • 250 g sykur
    • 2 tsk. rósmarín (þurrkað)
    • ½ tsk. kanill
    • 1 tsk. sjávarsalt

    Aðferð:

    1. Hitið ofninn í 175°C.
    2. Hellið vatni og sykri á pönnu og leyfið hitanum að koma upp.
    3. Blandið þá hnetunum saman við ásamt kanil og rósmarín og hitið á meðalháum hita í um 15 mínútur, eða þar til allur vökvi er gufaður upp og eftir standa hnetur í sykurkristöllum. Mikilvægt er að hræra reglulega í á meðan til að hneturnar brenni ekki við.
    4. Hellið hnetunum þá yfir á bökunarplötu, íklædda bökunarpappír, stráið sjávarsaltinu yfir og bakið í ofninum í um 20 mínútur. Snúið eftir 10 mínútur.
    5. Kælið og njótið!