Hvítlaukskjúklingur með spínati & beikoni

*Athugið innkaupalistinn inniheldur öll hráefni í uppskriftina nema salt, pipar og olíu. *

Innihald:

• 6 stk kjúklingabringur
• 1 stk hvítlaukur
• 20-25 stk ólífur
• 4-5 stk beikon sneiðar
• 5-6 stk sólþurrkaðir tómmatar ( má vera meira ef fólk vill)
• Handfylli af spínati
• 150 ml rjómi
• Rifinn ostur að vild

Aðferð: 1. Byrjað er á að skera niður mjög smátt ólífur, hvítlauk,beikon sneiðar, sólþurrkaða tómata og steikja ásamt spínatinu á pönnu, gott að setja smá smjör saman við. 2. Kjúklingabringurnar kryddaðar með salti og pipar, steiktar á pönnu og þeim aðeins lokað og þær settar svo í eldfast mót og inn í ofn í 25 mínútur á um 180 gráður undir & yfir hita. 3. Takiið kjúklinginn úr ofninum og hellið hráefnunum yfir bringurnar sem búið var að steikja á pönnu ( spínat/ólífu blöndunni) yfir kjúklingabringurnar ásamt því að hella rjóma yfir þær og stráið svo rifnum osti yfir. 4. Setjið aftur í ofninn og eldið í um 15-20 mínútur í viðbót eða þar til kjúklingabringurnar eru tilbúnar. 5. Á meðan kjúklingabringurnar eru að eldast er tilvalið að sjóða hrísgjrón eða setja hvítlauksbrauð í ofninn.

Verði ykkur að góðu !