Heitur mexíkóskur réttur með kjúklingi og hrísgrjónum

Einfaldur og fljótlegur kjúklingaréttur, tilvalinn í veisluna.

40 mín

6
skammtar

Uppskrift

Hráefni

  • 4dl hrísgrjón
  • 1 stk heill kjúklingur
  • 1 tsk Chili
  • 1 tsk paprikukrydd
  • 1 tsk cumin
  • 1 stk kjúklingakraftur
  • 250 gr mexikó ostablanda
  • 400 gr Taco sósa
  • 200gr rjómaostur með graslauk og lauk
  • 150gr gular baunir
  • 1 stk Nachos flögur með ostabragði
  • Ferskt kóríander eftir smekk

    Leiðbeiningar

    Aðferð:

    1. Setjið 4 dl hrísgrjónum í pott ásamt 8 dl af vatni. Kryddið með chilli, papriku, cumin og kjúklingakrafti. Hrærið þar til allt hefur blandast saman. Látið suðuna koma upp á hrísgrjónunum, þegar helmingurinn af vatninu er eftir á hrísgrjónunum setjið þá lokið yfir og slökkvið undir pottinum og látið þau eldast í gufunni.

    2. Skerið kjúklinginn smátt niður og setjið í skál á samt baununum, helmingnum af ostablöndunni, taco sósu, rjómaosti og gulum baunum og hrærið. Bætið hrísgrjónunum saman við ásamt salti og pipar og hrærið þar til allt hefur blandast vel saman.

    3. Setjið blönduna í eldfast mót og inn í ofn við 180 gráðu hita í 20 mínútur. Takið réttinn út, setjið restina af ostinum og mulið nachos yfir réttinn. Bakið í aðrar 10 mínútur eða þar til osturinn hefur náð að bráðna alveg. Skerið niður ferskan kóríander og dreifið yfir réttinn og berið fram heitan.

    4. Ef þið viljið vilja flýta fyrir má sjóða hrísgrjónin daginn áður, eða gera allan réttinn deginum áður og hita hann upp. Einnig er gott að bera réttinn fram með sýrðum rjóma frá Gott í matinn.

    Njótið vel !