Heitt rúllubrauð með skinku, aspas og smurosti

Ég hugsa að það sé líklega ekkert jafn íslenskt og huggandi en heitt brauðmeti af einhverju tagi með aspas, skinku og nóg af osti. Hér er á ferðinni klassíska gamla góða rúllubrauðið með örlitlu tvisti.

35 mín

6
skammtar

Uppskrift

Hráefni

  • 1 stk rúllubrauð
  • 300gr smurostur með beikoni
  • 1 dós sýrður rjómi 36%
  • 400gr aspas niðursoðinn
  • 200gr skinka
  • 2 stk vorlaukur
  • 100gr rifinn ostur

    Leiðbeiningar

    Aðferð:

    1. Hitið ofn í 200°C. Látið rúllubrauðið þiðna við stofuhita í um það bil 30-60 mínútur. Hellið safanum af aspasnum. Skerið aspas, skinku og vorlauk í litla bita.

    2. Blandið saman í skál; smurostinum, 3 msk. af sýrðum rjóma ásamt skinku, aspas, vorlauk og dálítilli steinselju. Opnið rúllubrauðið og breiðið úr því. Smyrjið blöndunni jafnt yfir allt brauðið og rúllið aftur varlega saman.

    3. Leggið á ofnplötu. Smyrjið þunnu lagi af sýrðum rjóma jafnt yfir upprúllað brauðið og dreifið vel af osti yfir. Bakið í ofni í u.þ.b. 15 mínútur eða þar til osturinn er gullinbrúnn.