Burrata með pestó og fíkjum

Hér er á ferðinni einstaklega ljúffengur ítalskur réttur sem fer hratt upp vinsældalistann hér á landi. Hentar einkar vel sem forréttur til að deila með borðinu, smáréttur eða létt máltíð og tekur einungis nokkrar mínútur að útbúa.

30 mín

2
skammtar

Uppskrift

Hráefni

  • 1 stk Burrata ostur
  • 2 ferskar fíkjur
  • 100 g Kirsuberjatómatar
  • 3 msk Grænt pestó
  • 20 g Furuhnetur
  • 0.5 tsk Timian

    Leiðbeiningar

    Leiðbeiningar

    ATH: Í þessa uppskrift vantar súrdeigsbrauð

    • Þurrristaðu furuhnetur á milliheitri pönnu, þar til þær eru farnar að taka á sig lit.

    • Taktu þær af pönnunni og leggðu til hliðar svo þær kólni.

    • Leggðu Burrata ostinn á miðjan matarplatta eða disk

    • Skerðu 2 fíkjur í fernt og tómatana í tvennt og raðaðu þeim kringum ostinn.

    • Láttu 3 msk (eða meira) pestó leka úr skeið á ostinn, tómatana og fíkjurnar. Settu síðan rest í litla skál og berðu það fram með réttinum

    • Stráðu fersku timian að smekk yfir diskinn og passaðu að hafa ekki of mikið.

    • Ef furuhneturnar eru orðnar kaldar dreifirðu þeim yfir diskinn líka eða setur í sérskál til hliðar ef einhver vill ekki hnetur.

    • Að lokum kryddar þú réttinn með flögusalti og svörtum pipar.

    • Berðu fram með nýju súrdeigsbrauði.