Allt á einni pönnu kjúklingapasta
Ný vika tekur nú á móti okkur með öllum sínum hraða. Þá er gott að vera með uppskrift af góðum réttum sem taka stuttan tíma í gerð en bragðast vel. Svona “allt á einni pönnu” réttir eru líka svo mikil snilld þar sem að eldhúsið fer ekki á hliðina við að elda þá. Hér er á ferðinni einn slíkur eða milt og gott kjúklingapasta sem er sérstaklega barnvænt.
20 mín
4
skammtar
5.044 kr.
Setja í körfu
Hráefni
5.044 kr.
Setja í körfu
Uppskrift
Hráefni
- 400 g Kjúklingabringur
- 1 Rauðlaukur, saxaður
- 6 Sveppir, sneiddir
- 1 Paprika, skorin í teninga
- 3 hvítlauksrif, söxuð
- 180 g Sýrður rjómi
- 3 msk Tómatpúrra
- 1 kubbur af kjúklingakraft
- 300 g Pasta
- 1.5 dl Vatn
- 2 tsk Karrí
- 1 stk Salt
- 1 stk Pipar
- Eldið pastað eftir leiðbeiningum á pakkningu.
- Hitið olíu á pönnu og steikið kjúklinginn lítillega. Bætið þá rauðlauk, sveppum og papriku út á pönnuna og steikið saman í nokkrar mínútur.
- Setjið tómatpúrru út á pönnuna og blandið vel saman. Bætið þá sýrða rjómanum, 1.5 dl af vatni, kjúklingakrafti, hvítlauk og karrí saman við og látið malla á pönnunni í nokkrar mínútur. Bætið pasta saman við.
- Smakkið til með salti og pipar og berið fram með salati.
