Þessi réttur er tilvalinn réttur til að bera fram í veislum með ristuðu brauði. Þá er best að setja réttinn ofan á ristað brauð eða gott baguette brauð og setja svo sósuna ofan á.

Réttur og sósa er borið fram í sitthvoru lagi og brauð með. Svo púsla gestirnir þessu sjálfir saman á disknum sínum.

Hráefni 

• 1 Dós sveppir
• 400-600 gr rækjur
• 1 rauð paprika
• 1 græn paprika
• 1 pakki af Bachelors karrrýgrjónum
• 1 dós maísbaunir
• 2 tsk arómatkrydd
• 1 tsk karrý
• 1 tsk hvítlauksduft

Sinnepsósan 

• 125 gr mayones
• 125 gr sýrður rjómi með graslauk (í græna boxinu)
• 3 msk sætt sinnep
• 2 msk hunang
• Örlítið arómat
• Ferskur graslaukur ef vill en má sleppa

Aðferð

1. Sjóðið grjónin eftir leiðbeinungum á pakka og kælið
2. Skerið paprikurnar smátt
3. Afþýðið rækjurnar með því að setja þær í sigti undir heita vatnsbunu og þerrið svo vel á eldhúspappa
4. Skerið sveppina aðeins smærri en þeir eru í dósinni (ekki nota safann af sveppunum)
5. Blandið svo öllu saman í stóra skál og kryddið með kryddunum

Sinnepsósan

1. Hrærið öllu vel saman og kryddið
2. Klippið graslauk svo smátt ofan í ef vill.