Einfaldur og góður kjúklingaréttur sem er fljótlegur í undirbúningi.
Rétturinn samanstendur af kjúklingabringum, hvítlauk, spínati, beikoni, ólífum, rjóma, rifnum osti og sólþurrkuðum tómmötum.
Hráefni
6 stk kjúklingabringur
1 stk hvítlaukur
20-25 stk ólífur
4-5 stk beikon sneiðar
5-6 stk sólþurrkaðir tómmatar ( má vera meira ef fólk vill)
Handfylli af spínati
½ dl rjómi
Rifinn ostur að vild
Aðferð
- Byrjað er á að skera niður mjög smátt ólífur, hvítlauk, beikon sneiðar, sólþurrkaða tómata og steikja ásamt spínatinu á pönnu, gott að setja smá smjör saman við.
- Kjúklingabringurnar kryddaðar með salti og pipar, steiktar á pönnu og þeim aðeins lokað og þær settar svo í eldfast mót og inn í ofn í 25 mínútur á um 180 gráður undir & yfir hita.
- Takið kjúklinginn úr ofninum og hellið hráefnunum yfir bringurnar sem búið var að steikja á pönnu ( spínat/ólífu blöndunni) yfir kjúklingabringurnar ásamt því að hella rjóma yfir þær og stráið svo rifnum osti yfir.
- Setjið aftur í ofninn og eldið í um 15-20 mínútur í viðbót eða þar til kjúklingabringurnar eru tilbúnar.
- Á meðan kjúklingabringurnar eru að eldast er tilvalið að sjóða hrísgjrón eða setja hvítlauksbrauð í ofninn.
