Það er einstaklega gott að fylla crépes pönnukökur með hrísgrjónum, skinku, papriku og osti, bera þær svo fram með hvítlaukssósu.

 

Crépes uppskrift 

Hráefni 

• 120 gr hveiti
• 450 ml mjólk
• 1 tsk vanilludropar
• 1/2 tsk salt
• 3 stk egg
• 30 gr smjör bráðið

 

Aðferð

 

1. Byrjið á að sigta saman hveiti og blandið saman við mjólkina og hrærið vel 
2. Bræðið smjör og hellið saman við deigið ásamt hinum hráefnunum salti, vanilludropum og eggjunum
3. Hitið pönnu ( gott að setja smá smjör á hana) og prófið að baka eina pönnuköku, varist að hafa deigið of þunnt
4. Bakið á venjulegri pönnukökupönnu eða á Crépes pönnu ( seld á Heimkaup)

 

Fylling uppskrift 

 

Hráefni

• 1 stk paprika
• Hrísgrjón, magn eftir smekk
• Karrí krydd
• Rifinn ostur
• Skinka 
• Hvítlaukssósa

 

Aðferð

 

1. Byrjið á að baka crépes kökur og leggið þær til hliðar
2. Skerið skinkuna og paprikuna niður í smáa bita og steikið á pönnu við vægan hita
3. Sjóðið hrísgrjón eftir leiðbeiningum, sigtið vatnið frá setjið hrísgrjónin á pönnu ásamt smá karrí kryddi ( eftir smekk) og steikið grjónin með skinkunni og paprikunni þar til að allt blandast vel saman. Leggið til hliðar skál.
4. Takið crépes köku og leggið á volga pönnu, stráið rifnum osti yfir hana og leyfið ostinum aðeins að hitna, leggið part af hrísgrjónablöndunni yfir ostinn og svo smá hvítlaussósu yfir allt saman, leggið crépes kökuna saman til helminga og berið fram.