Heill kjúklingur í ofni ásamt góðu salati, góður fjölskyldumatur sem einfalt er að matreiða.

 

Hráefni

• 1 stk heill kjúklingur
• 1 stk appelsína
• 1 stk hvítlaukur
• 1 stk kjúklingakraftsteningur
• Dass af jurtarsalti 
• Salt og pipar eftir smekk
• Ólífuolía

 

Aðferð

1. Þerraðu kjúklinginn með pappír
2. Undirbúðu fat með loki og stilltu ofninn á 150 gráður blástur
3. Skerðu appelsínu í báta og taktu hýðið utan af hvítlauknum, settu helminginn af appelsínunni og hvítlauknum inn í kjúklinginn og hinn helminginn í fatið
4. Leystu kjúklingakraftsteninginn upp í 500 ml af heitu vatni og helltu í botninn á fatinu
5. Penslaðu kjúklinginn að utan með ólífuolíu og kryddaðu með jurtarsalti / pipar að vild, leggðu kjúklinginn í fatið með lokinu á settu inn í ofn
6. Þegar kjarnahiti kjúklingsins nær 55 gráðum eða um eftir 40 mínútur er kjúklingurinn tekinn út úr ofninum, þá er ofninn stilltur á 220 gráður grill og undirhita
7. Setjið smá salt og pipar yfir kjúklinginn og setjið hann svo aftur inn í ofn án loksins
8. Kjúklingurinn er tilbúinn þegar að kjarnahiti hans hefur náð 72 gráðum eða um eftir 60 mínútur og húðin gullinbrún
9. Taktu kjúklinginn úr ofninum og leggðu álpappír yfir fatið, látið standa í um 10 mínútur.

Gjörið svo vel og njótið !