Þessar pönnukökur toppa allt, með ferskum berjum, sírópi og Nutella súkkulaðismjöri verður brönsinn fullkominn!

Hráefni

• 1 bolli hveiti
• 1½ tsk lyftiduft
• ¼ tsk salt
• 1 bolli mjólk
• 1 egg
• 1 msk brætt smjör
• 1 tsk vanilludropar

1. Byrjið á að hræra saman í skál, hveiti, lyftidufti og salti í skál.
2. Bræðið smjörið og leyfið því aðeins að kólna áður en þið bætið því saman við hveiti blönduna ásamt mjólkinni og eggjunum og hrærið vel saman.
3. Steikið á pönnu við miðlungshita, gott að nota smá smjör á pönnuna svo að deigið festist ekki við.
4. Bakist þar til báðar hliðar eru gullinbrúnar.

Ég mæli svo með að bera pönnukökurnar fram með ferskum berjum, sírópi og Nutella súkkulaðismjöri.

Njótið vel !