Þessi hefur alltaf slegið í gegn, ég hef notað þessa böku bæði til að nýta afganga af kjúkling sem hefur verið kvöldið áður. Þessi kjúklingabaka er líka vinsæl í bröns.
Innihald:
4 stk egg
2 msk rjómi
Salt og pipar
1 tsk paprikukrydd
200 gr kjúklingur eldaður og rifinn niður ( ég var með heila kjúkling í matinn kvöldið áður og notaði afganginn af honum).
½ camembert ostur
100 gr spínat
½ rauð paprika
150 gr sveppir
10 stk kirsuberjatómatar
1 stk hvítlauksrif
Smá smjör til steikingar
Aðferð:
- Byrjið á að elda krydda heilan kjúkling og elda í um 1,5 klst ( ef þið eigið kjúklinginn til þá er kjötið rifið niður til að nota í bökuna)
- Byrjið á að skera niður spínat, sveppi, tómata, paprikuna og raspa niður hvítlauksrif
- Steikið grænmetið á pönnu upp úr smá smjöri og kryddið með salti og pipar af vild
- Setjið kjúklinginn saman við blönduna og hellið öllu eldfast form, mér fannst betra að setja bökunarpappír í botninn og bar ég bökuna fram á honum.
- Hrærið saman eggin í skál með smá rjóma og hellið yfir kjúklinginn og grænmetið í forminu.
- Skerið camembert ostinn niður og leggið ofan á blönduna, stráið paprikukryddi yfir og bakið í ofni við 180 gráður í um 30 mínútur.
- Takið bökuna út úr ofninum og leyfið henna aðeins að jafna sig áður en bökunarpappírnum með bökunni er lyft upp úr forminu.