Einfaldleikinn er alltaf bestur það er bara þannig!
Heill kjúklingur í ofni, kartöflur, gott krydd og svo hrásalat með til hliðar.
Hitið ofninn í 180°C (blástur)
Setjið kjúklinginn í eldfast mót eða notið steikarpott með loki
Skerið eina sítrónu í tvennt og stingið sítrónubitunum inn í kjúklinginn. Kryddið kjúklinginn með góðu kryddi.
Setjið nokkrar matskeiðar af smjöri yfir kjúklinginn, hérna finnst mér best að nota hendurnar og smyrja smjörinu vel á allan kjúklinginn.
Eldið kjúklinginn í ofninum í um 1 og hálfa klukkustund. Þegar um það bil 30 mínútur eru eftir er kartöflurnar skornar í tvennt og settar saman við í formið/pottinn, á þessum tímapunti er einnig gott að taka safann sem myndast af kjúklingnum og ausa honum yfir kjúklinginn.
Gott er að leyfa kjúklingnum að standa í um 10-15 mínútur og jafna sig eftir eldun.
Berið fram með hrásalati & kokteilsósu!
