Pítur eru svo einfaldur og góður kvöldmatur, svo ef að það er afgangur er þetta hið fullkomna nesti með daginn eftir.

Ég set hér í innkaupalistann hakk, en auðvitað er hægt að breyta og setja inn kjúkling eða skinkustrimpla...jafnvel falafel bollur.

Hráefni 

• 1 pakki hakk
• 1 gúrka
• 1 kálhaus
• 4-5 tómatar
• 1 paprika
• 1 rauðlaukur saxaður
• Rifinn ostur
• Gott Taco krydd á hakkið
• 2 pakkar pítubrauð 
• Pítusósa

Aðferð

1. Byrjið á að steikja hakkið á pönnu og setjið taco kryddblönduna saman við ásamt 4msk af köldu vatni, leyfið að malla aðeins á pönnunni
2. Skerið niður grænmetið og leggið til hliðar
3. Setjið píturbrauðin í ofninn við 180 gráður í um 5-7 mínútur, eða í ristavélina
4. Berið fram með pítusósu og rifnum osti.

Njótið vel !